Unha excursión por Mugardos

Hoxe aproveitamos as vacacións e as horiñas de sol - aínda que con certo viruxe - para saír dar un paseo. Fomos a Mugardos, sitio chulo para pasear e tamén para comer.

Estes días anda a nena coa teima dos castelos, desde que antonte visitaramos o da illa de Santa Cruz. Así que o pasou moi ben visitando - desde fóra, porque está pechado - o de La Palma e flipando cando descubriu outro aínda máis grande na outra beira, o de San Felipe.

Paulo negouse a probar bocado no restaurante - pese a que había peixe e patacas cocidas, dos que gosta ben -, pero Catuxa comeu bastante e de todo: polbo, chocos e merluza. Logo demos un paseo polo porto e, por se non abondara, camiño da casa tivemos que para outra vez no castelo de Santa Cruz.

Quedan unhas fotos da xornada.