martes, mayo 27, 2014

O 1º Básico F convídanos ao Día Aberto


Con motivo do primeiro día aberto de este curso académico no cole, os nenos do 1º Básico F, a sala de Paulo, gravaron un vídeo promocional que non ten desperdicio.
O noso artista está de segundo pola esquerda, na fila do medio.

(Para velo con boa calidade, unha vez iniciada a reproducción, pinchade na rodiña de axustes e seleccionade 720p HD)



Percorrendo Aysén


Moitas fotografías temos para esta entrada, e máis que quedaron gardadas por que nalgún momento había que cortar. As vacacións do verán chileno deste ano foron espectaculares, polas paisaxes, pola natureza.....
Saímos ben cedo de Santiago, e chegamos a Balmaceda a iso das 9.30h. No aeroporto xa nos agardaba Adolfo, o conductor que nos acompañou durante toda a nosa estadía e, ahí mesmo, comezou o noso espectacular percorrido por parte da Rexión de Aysen. A xornada adicámola a facer os casi 300 km que separan o aeroporto da nosa hospedaxe: o Mallín Colorado, pero hai que ter en conta que a estrada era maioritariamente de pedras e en cada curva obrigabamos a Adolfo a deterse para facer fotos.
Esta primeira foto está tomada nun miradouro sobre Villa Cerro Castillo, un pequeno pobo aos pés do Cerro Castillo, onde aproveitamos para xantar uns "sanguches" tamaño extra-grande.


A media tarde chegamos ao Mallín Colorado, un pequeno lodge formado por 4 fermosas cabañas íntegramente de madeira, cunhas espectaculares vistas sobre o Lago General Carrera, o segundo máis grande de Suramérica, compartido entre Chile e Arxentina. A nosa cabaña chamábase Raulí, que é unha árbore autóctona da zona.




Os almorzos, xantares e ceas eran na casa principal, co lume da cheminea encendido e aproveitando as froitas e verduras que os propietarios das cabañas cultivan nunha pequena horta.



Dentro da estancia, as cabañas estaban bastante separadas entre sí, e tiñamos que camiñar uns minutos para ir á casa principal. O mellor sempre era a volta cando, xa noite pechada, as únicas luces que nos iluminaban eran as dos milleiros de estrelas que había no ceo.



A segunda xornada achegámonos ata as "Capillas de Mármol", unhas covas formadas polo desgaste da auga no Lago General Carrera. Fixemos a travesía nun pequeno bote a motor, do tamaño xusto para meternos dentro de varias das covas. A auga da lagoa é tan fría como transparente, por non falar da cor. E, despois de xantar uns bos bocadillos camiñamos una anaco para chegar a un miradouro sobre o Glaciar Exploradores.


 


O mércores erguémonos con un tempo moi parecido ao galego, nubes e choiva, pero eso non foi impedimento para unha nova excursión matinal: a confluencia dos ríos Baker e Neff.


E pola tarde, aproveitando algún claro no ceo, unha pequena camiñata arredor das cabañas para ollar o Lago General Carrera dende as alturas.



O xoves chegou a xornada mais longa, pero a que máis disfrutamos, a visita á Laguna de San Rafael co seu glaciar. O madrugón foi importante, casi 3 horas de coche para chegar ao embarcadoiro de onde partía o bote que percorrería durante outras 2,5 horas ríos e lagos ata chegar a destino.



Os cativos quedaron abraiados coa magnitude da mole de xeo, e a intensa cor azul dos témpanos, ata tivemos a sorte de disfrutar do desprendemento dun bo anaco do glaciar.


Catuxa e Paulo, os únicos nenos da expedición, foron os primeiros en catar un bo trago de zumo nunha cunca "ben fresquiña",



Xa o venres, a última xornada completa da nosa estadía, decidimos pasar o día no Lodge e, aproveitando o bo tempo, fixemos unha camiñata montaña arriba para chegar a un miradouro no alto dende o que se podían ver os Lagos Bertrand e Plomo. Alí estivemos sentados durante case unha hora, abraiados pola claridade das vistas, as montañas nevadas y a cor turquesa das augas.







En total, case 4 horas de excursión a pé que ben valeron o esforzo. E, despois de xantar, tocou disfrutar dun paseo mais relaxado no lombo dos cabalos de Don Victor.



Esta viaxe foi unha experiencia única para toda a familia, disfrutamos como nunca da natureza en estado puro.

martes, noviembre 12, 2013

Fin de semana na montaña.

Dende que estamos en Chile, tratamos de aproveitar as fins de semana para coñecer, pasear e disfrutar da increible natureza deste pais, unhas veces os catro sos e outras, como neste caso, acompañados de bos amigos.
O destino elixido está ben perto de Santiago, percorridos apenas uns kilómetros dende o final da cidade xa estás na montaña, no chamado Caixón do Maipo.


Alugamos unhas fermosas cabañas no medio do monte, literalmente. A subida co coche no foi sinxela por que o camiño de pedras está bastante afectado polas augas que transcurren montaña abaixo, pero o lugar ben pagaba a pena.
Chegamos o venres pola noitiña e o sábado pola mañán fixemos cos nenos unha pequena excursión a pe, seguindo as indicacions do responsable das cabañas, ata chegar a unhas fermosas fervenzas. Un par de horas de paseo entre ida e volta que nos viñeron moi ben para xantar con fame un bo asado.








As xornadas transcurriron tranquilas entre xogos dos cativos e conversas dos adultos, tratábase de desconectar e conseguímolo. Haberá que repetir!

jueves, septiembre 05, 2013

Celebrando o día dos avós II

Como xa acontecera no 2012, este ano tamén se celebrou no cole dos cativos o día adicado aos avós e, de novo, o noso Paulocho participou coa sua clase bailando un "twist" e un "rock and roll".


Seguindo a súa tónica habitual, Paulo entregouse por completo, moi concentrado durante toda a presentación disfrutou sobre o escenario tanto ou mais que eu entre o público. 
Como di o avó Manu: "xa temos outro Travolta!".

Adicado a os avós.

martes, junio 04, 2013

Un ano en Chile!

Como pasa o tempo!. Parece que foi onte cando faciamos as maletas para iniciar esta gran aventura e xa pasaron 365 días completos. Exactamente un día como hoxe de hai un ano chegabamos a Chile con esa mestura de sentimentos por todo o que deixabamos atrás e todo o que tiñamos por diante.

12 meses despois da nosa partida, podemos contar que estamos totalmente integrados, moi ledos, fascinados polas paisaxes, pola xente que atopamos, polos amigos que fixemos. A nosa felicidade e casi completa, digo casi por que temos ao resto da familia moi lonxe físicamente, ainda que moi presente no día a día, (afortunadamente as novas tecnoloxías son unha gran axuda acurtando distancias). 

Ademais, en apenas un mes estaremos de volta para pasar unhas pequenas vacacións todos xuntos. Xa non queda nada!!.