A inmensidade da bañeira

Paulo xa coñece a liberdade. Antonte prescindimos da pequena bañeira laranxa de plástico, onde o pobre home tiña que encollerse tódalas noites á hora da toilette.

Pero agora, na enorme bañeira dos adultos, Paulo pode patuxar e estricarse tan longo como é. Patuxando libera enerxías e, por riba de todo, salpica ao bañante; iso si, cun sorriso de orella a orella. E así, non hai molladuras que anoxen.