Entroido no cole

Esta tarde o cole de Catu celebrou o inicio do entroido cunha gran festa para todos os cativos de infantil e primaria. Como tiñan que levar un disfráz, preguntámoslle a Catuxa de que se quería disfrazar, e a súa resposta foi: "de Aurora" -traducción para os non iniciados: "de Bela Durminte"-, "por que como as dúas somos loiras" dixo ela coa súa lóxica aplastante.

Pois ben, agora só queda pensar de onde sacamos un disfraz de "Aurora".

Menos mal que os nosos nenos teñen dúas tías, Merchy e Carol, con visión de futuro e coñecemento dos gustos de Catu, que lle regalaran sendos cofres con vestidos e accesorios de princesas. Así que fixemos unha selección de vestido, coroa e variña máxica e xa vedes o ben que o pasou coas súas amiguiñas "Lucía - Cincenta" e "Daniela - Brancaneves".


Comentarios

Entradas populares