Contraste

Esta fin de semana foi ben chuchurría. Estabamos todos medio pachuchos - Paulo con mocos e tos; Catuxa con algo de febre porque están a saírlle dúas moas novas; papi e mami con medio trancazo cada un -, así que ficamos sen saír da casa, pese ao bo tempo que acompañou.

Xusto o contrario que a fin de semana pasada, na que case non paramos no Valiño. Sábado pasámolo no Peredo, e fixemos unhas sesións de fotos con toda a familia que podedes ver nas galerías. E, domingo, fomos pasear á veira da ría do Burgo. Catuxa non parou de facer sprints, amosando que xa domina as técnicas básicas da bici (bueno, máis ou menos). E Pauliño foi feliz correndo entre as follas que o outono xa vai botando no chan, amosando que xa domina as técnicas básicas de andar (bueno, máis ou menos).

Déixovos un par de fotos ilustrativas.