As estresantes vacacións de Paulo

Pobriño. Mágoa dame o neno. Non sei como un cativo de tan curta idade pode soportar o estrés da seguinte rutina:

• 9:30. Despertar tras doce escasas horas de sono. Como non me vou levantar de golpe, fico media horiña falando cos bonecos.
• 10:00. Almorzo no berce para coller forzas.
• 10:30. Masaxe no tren inferior, especialmente nos dedos dos pes.
• 11:00. Descanso un rato vendo Mickey na tele.
• 11:30. O exercicio do día: xogo no parque con papi e Catuxa, tirándome polo tobogán varias ducias de veces.
• 12:30. Descanso preparativo do xantar.
• 13:30. Xantar.
• 14:00. Breve siesta de tres horas e media.
• 17:30. Despertar da siesta e nova charla cos bonecos.
• 18:00. Merenda.
• 18:30. Remoxo os pes na piscina - sentadiño na veira, non me vaia cansar - mentres o resto se baña.
• 19:30. Masaxe no tren superior.
• 19:45. Descanso.
• 20:15. Baño, incluíndo masaxe de xabrón pola barriga.
• 20:45. Cea, que hai que recuperar forzas.
• 21:15. Troula pre-berce cos papis e Catuxa.
• 21:30. A durmir, que foi un día agotador.